Fekk leigd ut nesten heile flåten

Etter at refinansieringa kom på plass i vinter består Stig Remøy si offshoreverksemd no av Olympic Subsea med 11 subseaskip og dotterselskapet Olympic Ship, med fem forsyningsskip og tre ankerhandteringskip.

Ein bokføringseffekt av samanslåinga gav selskapet 152 millionar kroner i gevinst i første kvartal, som forklarar overskotet i første halvår (sjå tabell).

Større aktivitet

I løpet av andre kvartal blei nesten heile subseaflåten utleigd, men resultateffekten kjem først for fullt i tredje kvartal. Ved halvårskiftet låg berre eitt subseaskip i opplag, og den lengste kontrakten går to år fram i tid.

Selskapet venta auka aktivitet både i marknaden for operasjonar knytt til fornybar energi, men og for subseaoperasjonar for oljenæringa.

Fem aksjonærar

Olympic Subsea har fem aksjonærar:
Stig Remøys selskap SRR Invest eig 69,31 prosent, Huse-familiens selskap Seriana eig 12,5 prosent, Bjørn Inge Kvalsunds Omega Maritime as eig 11,25 prosent, Marin Group (med Svein Rune Gjerde som største eigar) eig 6,25 prosent og Halvard Remøys H.Remøy Invest 0,69 prosent.