Fire omstillingsmillionar til Sykkylven

For andre år på rad løyver Møre og Romsdal fylkeskommune fire millionar kroner til eit omstillingsprosjekt i Sykkylven kommune.

Målet er å bidra til å utvikle eit meir varierte næringsstruktur i møbelkommunen og skape nye arbeidsplassar.

Sykkylven kommune fekk status som omstillingskommune i 2020 då det framleis var fleire arbeidslause i kommunen etter at koronapandemien kom, og møbelindustrien framleis hadde permitteringar.

Den nedturen i arbeidsmarknaden varte ikkje så lenge, men status som omstillingskommune var ståande.

Seks år med satsing
At Sykkylven er omstillingkommune innebere mellom anna ei seks år lang satsing på næringsutvikling, der fylkeskommunen, kommunen og Sykkylven Industri- og Næringslag. er med i eit spleiselag for å finansiere satsinga.

Fylkeskommune løyvde ein halv million kroner i støtte til eit forprosjekt i 2020, fire millionar kroner til sjølve prosjektet i fjor og no i mars 2022 nye fire millionar kroner for 2022. Fylkeskommunen avgjer frå år til år om den vil vere med og finansier omstillingsprogrammet.

Går alt etter planen skal fylkeskommunen bidra med tilsaman 24 millionar kroner av ei satsing som er planlagt å koste 32,14 millionar kroner.

11 arbeidsplassar
"Totalt har omstillingsprogrammet bidrege til å sikre 4 arbeidsplassar og skape 7 nye arbeidsplassar i 2021", heiter det i årsrapporten til Omstillingsprogrammet for 2021.

Klikk her for å lese årsrapporten (som vedlegg til sak KNF-37/22)

Målet er 170 nye arbeidsplassar innan omstillingsprogrammet er ferdig.

Utvikling av små og mellomstore bedrifter generelt og reisliv spesielt har førsteprioritet i satsinga.