Fiskeprisane flatar ut

Gjennomsnittsprisen for fangsten til Lerøy Havfisk fall 11 prosent i 2. kvartal i år samanlikna med 2. kvartal i fjor.

"Etter en lengre periode med kraftig prisøkning på de fleste fiskeslag, er det nå tendenser til utflating og en større variasjon i utvikling i de ulike artene", skriv Lerøy Seafood Group i kvartalsrapporten for 2. kvartal 2023.

Torskeprisen er opp to prosent. Prisen på hyse og reke er ned høvesvis 25 og 14 prosent, medan uer og blåkveite er opp 10 og 25 prosent.

Torskekvoten er redusert i år. Torsk er den best betalte fisken, og og Lerøy Havfisk kompenserer med å fiske meir av andre fiskeslag.

Les børsmelding her

Fiskebåtreiarlaget Lerøy Havfisk i Åelsund er eit datterselskap i Lerøy Seafood Group og driv fiske med 10 trålarar.

Lerøy Seafood Group rapporter tal for villfisk-segmentet i konsernet, som omfattar Lerøy Havfisk og fiskeindustriselskapet Lerøy Norway Seafoods.

Mellom anna ved bruk av flytetrål i fisket etter uer reduserte Lerøy Havfisk drivstoff-forbruket med seks prosent per driftsdøgn i andre kvartal. I tillegg fall drivstoffprisen 16 prosent samanlikna med same kvartal i fjor. Summen av dette er 26 millionar kroner reduserte drivstoffkostnadar i andre kvartal i år mot 2. kvartal i fjor.