Fortvilar over liten eksportstøtte

– Ei dansk bedrift kan få mellom 25 og 50 prosent av kostnadene sine knytta til eksportsatsing dekka av virkemiddelapparatet i Danmark i ein treårsperiode. I Norge kan ein kun få støtte i eitt år.
- Dette er for kort periode til å lukkast. Det blir berre eit skippertak, seier Egil Sundet i bransjeforeininga Møbel + Interiør i Norsk Industri.
I ei pressemelding frå Pressenytt vert det vist til at norske aktørar vert avspist med småpengar, medan svenske og danske bedrifter mottek langsiktig eksportstøtte.

Ser mot Sverige

Sundet viser spesielt til at i fjor haust lanserte Sveriges regjering ein ny eksportstrategi og la samtidig 800 millionar friske svenske kroner i potten.
- Disse skal blant anna brukast til å stimulere små og mellomstore bedrifter til å satse på eksport, særleg til nye vekstmarknader.
Pressenytt opplyser at då møbel- og interiørmessa ICFF opna dørene i New York 14. mai, sto over 700 utstillarar klare til å knive om merksemda.

Trur på Stordal-modellar

På den norske Insidenorway-standen var det derimot kun tre bedrifter som stilte; belysningsinnovatørane Northern Lighting, møbelprodusenten Vad og designduoen Ope.
Stordal-baserte Vad tok med dei to seriane Convair og ON over Atlanterhavet.
– Dette er to modellar vi meiner har eit internasjonalt potensial og som er representative for den skandinaviske design-stilen, seier adm. dir Håkon Vad i premssemeldinga.
Vad har deltatt på ICFF kvart år sidan 2011, noko som har gitt sal i USA og Canada.
- Vi prøvar no med nye modellar som vi håper medfører auka sal på den amerikanske marknaden.
- Møbelmarknaden i Nord-Amerika har vist ei positiv utvikling, med auka interesse for nordiske møblar. Men vi ser at amerikanarane har litt andre preferansar når det gjeld farge og komfort.