Fylket og næringslivet saman om omstilling

Næringslivet og Møre og Romsdal fylkeskommune skal saman finne ut korleis næringslivet i fylket kan sikrast ei best mogleg framtid.
Fredag kom fylkesordførar Per Vidar Kjølmoen (Ap) til Ulstein Group saman med Marit Nerås Krogsæter (Sp) som leiar kultur-, næring- og folkehelseutvalet i Møre og Romsdal.
Saman med konsernsjef Gunvor Ulstein i skipsbyggjarkonsernet, lanserte dei eit langsiktig omstillingsprosjekt.
- Det er utruleg viktig å ha ei komplett maritim klynge når vi går vidare, sa konsernsjefen.
Ho viste til at Nordvestlandet har moglegheit til å vere i førarsetet når det kjem til ei rekke endringar som kjem til å kome.
Ulstein tok eit sveip gjennom historia, og viste korleis tidlegare generasjonar har bygd stein på stein og skapt store verdiar.
- Eg meiner det er viktig å vise kva denne næringa har skapt av inntekter for samfunnet opp gjennom åra, sa ho og meinte regionen hadde all grunn til å gå med fana høgt heva.

Har løyvd to millionar til arbeidet

Fylkespolitikarane har løyvd to millionar kroner til arbeidet som skal gå over fleire år.

- Det overordna spørsmålet for oss, er kva vi skal leve av i 2050, innleia Per Vidar Kjølmoen då han tok i mot pressa i Ulsteinvik fredag.
– Det er store endringar på gang i verda, og det er viktig at vi i Møre og Romsdal står saman for å ruste oss for dei endringane som vil kome, opplyste Kjølmoen til NETT NO om arbeidet.
Han viste til at fylkeskommunen allereie har teke grep for å hjelpe næringslivet lokalt, mellom anna med ei tiltakspakke på 178 millionar kroner.
- Vi har samtidig kome til at vi må tenke meir langsiktig, la han til.
Kjølmoen viste til at endringane, utgjer ein trussel for næringslivet, men også moglegheiter.
- Vi presenterer ikkje eit ferdig program her i dag, men vi skal hente innspel frå næringa og kome tilbake med kva for tiltak som vi ønskjer å gå for, sa Kjølmoen.

- Må bruke ein del av oljefondet

Marit Nerås Krogsæter leiar det politiske utvalet som jobbar mest med næringsliv i fylkeskommunen. Ho viste til at dette arbeidet ikkje skjer uavhengig av bedriftene i fylket, og at politikarane er avhengige av å samarbeide.
- For at vi skal ha eit internasjonalt næringsliv, så trur eg vi treng vi ein innovativ offentleg sektor, og motsett, sa ho.
Krogsæter viste til at berekraft er heilt sentralt i den omstillinga det er behov for.
- Vi meiner ein må bruke ein del av oljefondet no for å skape aktivitet, påpeika ho.

Uro for eksportretta næringsliv

Bakgrunnen for at prosjektet kom på plass, er uro for framtida, ikkje minst for dei eksportretta næringane i Møre og Romsdal. Undersøkingar har i fleire år vist at fylket er mellom dei mest eksportretta i landet.
Målt etter verdi per sysselsett kom Møre og Romsdal på topp i eksport – om ein held oljenæringa utanfor – ifølgje ei undersøking frå Menon Economics i fjor. Same undersøking viste at 46.000 arbeidstakarar, kring halvparten i alle bedriftene i fylket, jobbar direkte eller indirekte med eksport.
Uroa er spesielt stor for den langvarige effekten av koronapandemien – og lågare oljepris – vil få for den maritime klynga på Nordvestlandet. Ei fersk undersøking viser at ein risikerer at innan kort tid, om ikkje det ikkje kjem fleire krisetiltak.

Les også:

Vil påverke nasjonal politikk

I ei frå fylkeskommunedirektøren i sommar, går det fram at han meiner hovudmålet med prosjektet mellom bør vere å påverke nasjonal politikk og bidra til omstillingstakta i næringslivet.
– Situasjonen er noko forskjellig frå bransje til bransje. Men det er særleg innafor maritim næring a bedriftene meiner dei har eit stort behov for omstilling til nye marknader, samtidig som det er her dei statlege tiltakspakkane ser ut til å ha treft dårlegast, heiter det i situasjonsbeskrivinga.
Det blir mellom anna vist til at eit delprosjekt for grøn skipsfart kan legge til rette for vidareutvikling av ulike type fartøy og posisjonere regionen mot sentrale styresmakter.
Fylkeskommunedirektøren bad i saka om at ei styringsgruppe blei sett saman, med folk både frå fylkeskommunen, næringslivet, akademia, NHO og LO.

Les også:

Analyse: