Får inntil 96 millionar frå Forskningsrådet

Forskningsrådet har gitt satsinga på kjernekraft som energikjelde i skipsfart status som senter for forskningsdriven innovasjon (SFI). Det er ei satsing NTNU i Ålesund har stått i spissen for og NTNU-professor Jan Emblemsvåg i Ålesund har fått jobben med å leie det nye senteret, som har fått den engelske tittelen SFI Sustainable Applied and Industrialized Nuclear Technology (forkorta til SFI SAINT).

SFI-statusen betyr inntil 96 millionar kroner i finansiering fordelt over åtte år. Vikåret for støtte at mellom anna at samarbeidspartnarane må stille opp med like mykje, slik at de i alt kan bli ei satsing på 192 millionar kroner.

Søkte om senterstatus
Professorane Jan Emblemsvåg og Hans Petter Hildre ved NTNU Ålesund har arbeidd med kjernekraft som energikjelde i i fleire år og er høvesvis  prosjektleiar og prosjekteigar for Nuproship-progammet. I første del av programmet var hovedmålet å finne moglege kjernekraftreaktorar som passer i skip. 

I andre del av programmet - som blir avlsutt i år - er hovedmålet å kartlegge krav til skipsdesign, mannskap, vedlikehold, fjernstyring og laste- og losseoperasjoner. 

Neste steg var å få innvilga søknaden om å få status som Senter og forskingsdriven innovasjon. Det har dei no greidd og dermed sikra finansiering til vidare arbeid i åtte år framover. 

Kjernekraft-skip i 2032
Militære skip og isbrytarar har gått på kjernekraft lenge. Det Emblemsvåg og Hildre arbeider med er løysingar som kan gjere kjernekraft til eit kommersielt og sikkert alternativ i sivil skipsfart, mellom anna ved bruk av mindre og enkle reaktortypar. 

Tidlegare i år sa Hildre at han trur at det første skipet med kjernekraft ombord vil bli levert frå eit verft på Nordvestlandet i 2032. Spådommen frå scena på eit rekrutteringsarrangement for 150 maritime NTNU-studentar frå Ålesund og Trondheim i Fosnavåg i mars i år.

– Viss vi får til det vi no snakkar om, vil dette presse ut fossilt fuel fordi det er billegare og betre, sa Jan Emblemsvåg til Nett No i april i år.

Fleire partnarar
I både første og andre del av Nuproship-prosjektet har NTNY Ålesund hatt fleire samarbeidspartnarar.

I tillegg til NTNU var DNV, Vard,  Sjøfartsdirektoratet, reiarlaget Knutsen OAS og det spanske kjernekraftkonsulentselskapet Idom, med på første del av programmet. I Nuproship II er blant andre også Island Offshore og Lerøy Havfisk med som partnarar.