Færre konkursar under korona

Frå 12. regjeringa stengte store deler av aktiviteten i landet 12. mars i år og fram til i dag er det opna 101 konkursar i Møre og Romsdal.
I tilsvarande periode i fjor vart det opna 135 konkursar. Det er ein nedgang på 25 prosent.

Spesielt reiseliv-, underhaldning- og restaurantbransjen er hardt råka av epidemien, men ei bølgje av konkursar har det ikkje blitt.

Verft overende

Den største konkursen i vår region i koronakrisa har vore i Kleven Verft, som gjekk konkurs 3. juli.
Der gjorde koronaepidemien det verre å få inn nye oppdrag, og reduserte dermed sjansen til at verftet skulle kome ut av krisa det allereie var i før pandemien kom.

Om Kleven-konkursen var den største, viste bransjestatitikk frå kredittopplysningsbyrået Bisnode per utgangen av juli at hotell- og restaurantbransjen hadde størst auke i talet på konkursar.
14 av dei 101 konkursane i Møre og Romsdal etter 12. mars er selskap denne bransjen.

Ventar med konkurskrav

Skattestyresmaktene har blitt meir tilbakehaldne med å sende konkurskrav til retten i etter at koronaepidemine kom. Det er ei viktig forklaring på kvifor ikkje talet på konkursar er større, ifølgje Brønnøysundregistrene - som publiserer kunngjeringar om konkursopningar.
I konjunkturrapporten som Sparebank1 SMN publiserte fredag 6. november, fryktar banken at ein kraftig vekst i selskapet som har negativ eigenkapital skal gir ei komande konkursbølgje.


På Sunnmøre hadde 13,1 prosent av bedriftene negativ eigenkapital i 2019. Sparebank1 SMN trur andelen bedrifter med negativ eigenkapital aukar til 19 prosent i år, og anslår at 3300 personar på Sunnmøre arbeider i bedrifter som er sterkt negativ påverka av koronakrisa.
Sterkt negativ påverka, er etter bankens sin definisjon bedrifter som har hatt eit fall i driftsinntekter på meir enn 7,5 prosent.
11.400 personar arbeider i bedrifter som er moderat negativt råka av koronakrise. 13.200 personar i bedrifter som er lite berørt og 700 personar som i bedrifter som har fått eit oppsving.

Verst for dei minste

Tala i konjunkturrapporten tyder på at det ei dei mindre bedriftene som er mest sårbare for koronakrisa.
NETT NO sin database over resultata til alle selskap på Sunnmøre og i Nordfjord viser at andelen bedrifter med negativ eigenkaptial i 2019, var på 6,7 prosent. Desse tala omfattar berre selskapet meir enn fem millionar kroner i driftsinntekter.
NETT NO hentar databasen frå Bisnode kvart år, som ein del av grunnlaget for det årlege NETT NO-magasinet på papir, som mellom anna gir ei oversikt over den økonomiske utvikla for næringslivet på Sunnmøre og i Nordfjord.

Les også: