Gir opp samdrift etter åtte år

- Nei, eg vil ikkje uttale meg. Slik er det berre, seier ein av initiativtakarane, som ikkje vil stå fram med namn.
- Du treng ikkje ringe nokon annan heller, seier han.
Men tala viser at drifta i FB Samdrift gjekk dårleg. I 2013 vart resultatet før skatt negativt med 0,3 millionar kroner. I 2012 var det litt betre, med 0,2 millionar kroner i pluss, medan ein i 2011 tapte ein halv million før skatt.

Dårleg økonomi

Det har også vore smått med pengar å betale ut til den daglege leiaren, viser rekneskapstala. I 2013 vart det utbetalt berre 115.000 kroner til den daglege leiaren.
Sist veke gjekk eigarane til det steg å be om oppbud.
Aksjonærar ved konkursen er Lars Olav Tvergrov (20,0 %), Arne Rekkedal (20,0 %), Jan Rune Ville (18,9 %), Ole Johan Rekkedal (18,9 %) og Jørn Kjetil Wille (18,9 %). I tillegg eig andre 3,3 prosent av aksjane.
I følgje rekneskapstala for 2013 er gjelda på 10,7 millionar kroner, medan selskapet har anleggsmidlar for 9,0 millionar kroner. Selskapet har negativ eigenkapitalandel.

196 dyr

Samdrifta driv mjølkeproduksjon med utstrekt bruk av automatisering. Samdrifta har 196 dyr, inkludert både mjølkekyr og kalvar.
Advokat Thore Heggen er oppnemnd som bustyrar og første skiftesamling vert 17. desember i Søre Sunnmøre tingrett.