Gleder over turistskatt i Geiranger

Onsdag varsla næringsminister Jan Christian Vestre at regjeringa vil innføre ein eigen turistskatt - besøksbidrag - for å finansiere felles tiltak for å betre infrastruktur og tilbod på populære turiststadar.

- Med denne nyhenda så er vi enno eitt skritt nærare målet vårt om å få testa ut ein pilot for besøksbidrag for Geirangerfjorden verdsarvområde. For oss er det avgjerande at dette er besøksbidrag som vert tilpassa lokale behov og det er svært positivt at statsråden presiserer at både kommunane og den lokale reiselivsnæringa vert inkludert i det vidare arbeidet med innhaldet i ordninga, seier Katrin Blomvik, verdsarvkoordinator og direktør for stiftinga Geirangerfjord Verdsarv i ei pressemelding.

Kan velje ulike variantar
Framlegget er påslag på overnatting i kombinasjon med anten parkeringsbetaling og cruisepassasjeravgift, eller dagbesøksavgift og at turistskatten kan utformast lokalt.

– Dette er ei fanesak verdsarvsområdet har arbeidd med i svært mange år og i dag har vi nådd ein ny, viktig milepæl gjennom at vårt eige UNESCO verdsarvområdet Vestnorsk fjordlandskap med Geirangerfjordområdet, kan få på plass ei effektiv besøksstyring og ei berekraftig og profesjonell destinasjonsutvikling, - til beste for både turisten og våre innbyggjarar, seier Terese Jemtegård Moen, styreleiar og ordførar i Fjord kommune i pressemeldinga.