Gode tider i bankane

Bankresultata for tredje kvartal fortel om ei koronakrise som det ikkje blei noko av for bankane sin del, og som storparten av kundane deira greidde seg godt gjennom.

Tredjekvartals-rapportane fortel og om eit samfunn med stigande aktivitetsnivå.

Ørskog Sparebank, som la fram kvartalsrapporten for 3. kvartal 2021 i dag har hatt ein utlånsvekst på 4,3 prosent i siste 12-månadarsperiode. Banken ventar og at tapsavsetningane vil gå ned framover.

Les børsmelding frå Ørskog Sparebank her

Tilbakefører offshoretap
Hos Sparebank 1 SMN blei avsetningar til tap på utlån og garantiar redusert frå 231 millionar kroner ved utløpet av 3. kvartal 2020 til 31 millionar kroner ved utløpet av 3. kvartal 2021.

Det betrar resultatet.

Hovudårsaka til reduserte tapsavsetningar er betre utsikter for olje og offshorenæringa, skriv banken i 3. kvartalsrapporten.

Les børsmelding frå Sparebank 1 SMN her

200 millionar i utlån
Sparebanken Vest er nykomar med eiga avdeling i Ålesund og opna dørene på Ålesund-kontoret 1. september.

Så langt har banken lånt ut 200 millionar kroner frå Ålesundkontoret til nye personkundar, fått fire nye bedriftskundar og er i samtale med rundt ytterlegaer 10 potensielle bedrifterkundar, ifølgje Torstein Hegstad, som er sjef for Sparebanken Vest i Ålesund.

Les børsmelding frå Sparebanken Vest her