Har seld Olympic Commander

Selskapet Olympic NOR AS, som er eit heileigd selskap av Fosnavåg-baserte Olympic Subsea ASA, har seld fleirbruksskipet Olympic Commander. Det opplyser Olympic i ei børsmelding torsdag.

Overlevering har allereie funne stad.

Olympic Commander er eit 92,95 meter langt og 19,70 meter breidt fleirbruksskip, som vart levert frå Aker Yards i Brattvåg i 2006.

Ny avtale
I 2007 vart skipet oppgardert til subseaskip.

Skipet har dieselelektrisk framdrift.

Ifølgje Marine Traffic ligg skipet no ved Karmøy.

I børsmeldinga opplyser Olympic at selskapet held fram prosessen med å få til ein ny langsiktig avtale med dei sikra långivarane.