Hav Group tetta tapssluk

I kvartalsrapporten for 1. kvartal 2025 varsla selskapet ei kraftig nedskaleringa av satsinga på hydrogenmarknaden.

Den nedskaleringa sparer selskapet for omlag 10 millionar kroner i driftskostnadar årleg i følgje kvartalsrapporten for 2. halvår.

Les børsmelding her

Dreg lasset
Forretningområdet energidesign og smarte kontrollsystem er det datterselskapet Norwegian Electric Systems som står for.

Det er denne verksemda som i dag er den klart økoniomisk viktigaste for Hav Group. 

Forretningsområdet energidesign og smarte kontrollsystem hadde 127,5 millionar kroner i driftsinntekt og eit resultat før skatt på 13,2 millionar kroner i andre kvartal. Det utgjorde 66 prosent av inntekten i kvartalet og sikra plussresultat for konsernet. (Sjå tabell under)

Sjå resultatpresentasjon direkte frå klokka 08:00 her, eller i opptak seinare 

"Forretningsområdet vårt for energidesign og smarte kontrollsystemer fortsetter å levere solide og forbedrede økonomiske resultater og vinner nye kontrakter. Vi er fornøyde med resultatene og andelen anbudsseire denne virksomheten kan vise til", seier konsernsjef Gunnar Larsen i børsmeldinga.

Minus på skipsdesign
Skipsdesignverksemda i Hav Design gav 41 millionar kroner i inntekt i andre kvartal og eit resultat før skatt på minus 5,2 millionar kroner. Skipsdesignselskapet har rett og slett for lite å gjere, sjølv om ein kontrakt på ein brønnbåt for North Salmon Services betrar sitiasjonen.

"Avtalen med North Salmon Service bedrer situasjonen på kort sikt, men vi må vinne flere nye kontrakter for å nå lønnsomhetsnivået vi forventer fra skipsdesignvirksomheten vår", seier Larsen i børsmeldinga.

Forretningområdet vassbehandling , som mellom anna leverer vassrenseanlegg for ballastvatn på skip, hadde 24,4 millionar kroner i inntekt og eit resultat før skatt på 0,2 millionar kroner i andre kvartal. 

"Nye desinfeksjonskrav for landbasert oppdrett, og gjenåpningen av lisenssøknader som ble offentliggjort 1. juli, forventes å skape nye forretningsmuligheter for vannbehandlingsvirksomheten.", skriv Hav Group i kvartalsrapporten.