Her er det flest fiskebåtar

I Herøy er det no 89 merkeregistrerte fiskebåtar. I år 2000 var talet 185 og i 1985 heile 342. Nedgangen er dramatisk, men Herøy har uansett framleis klart flest merkeregistrerte båtar i Møre og Romsdal. Nest mest har Smøla ned 58, Averøy med 55 og Giske med 51. Ålesund har 37.
I Sogn og Fjordane er det Bremanger som har flest med 47 båtar i merkeregisteret. Her har Vågsøy 42 og Selje 31.
Dette viser årsstatistikken frå Fiskeridirektoratet si statistikkavdeling.

Bremsar nedgangen

I heile Møre og Romsdal var det i fjor 612 båtar i merkeregisteret, fire færre enn året før. I år 2000 var derimot talet 1.571, i 1980 2.678 og i 1960 heile 5.328 båtar.
Av dei 612 båtane som no er merkeregistrerte, er det 66 som er over 28 meter. Heile 26 av dei er registrerte i Herøy.
I Sogn og Fjordane er det no 266 båtar i merkeregisteret, fire færre enn året før.
Nedgangen siste tiåra er stor også i dette fylket, der talet var 1.471 i år 2000, 1.677 i år 1980 og heile 2.786 i 1960.

Færre med fiske som biyrke

Totalt var det ved utgangen av 2016 registrert 11.244 fiskarar og 5.959 fiskefartøy i Norge. Antall fiskarar i fiskarmanntallet er auka med 1 prosent, medan antal fiskefartøy er auka med 1,3 prosent samanlikna med utgangen av 2015, viser tala frå Fiskeridirektoratet si statistikkavdeling.
Fiskarar som har fiske som hovedyrke (blad B) har auka frå 9.259 i 2015 til 9.433 fiskarar i 2016 (+1,9 prosent), medan talet på fiskarar som har fiske som biyrke (blad A) er redusert fra 1.871 i 2015 til 1.811 i 2016 (-3,2 prosent).

Fleire fiskarkvinner

Det var elles registrert 273 kvinner med fiske som hovedyrke ved utgangen av 2016. Ved utgangen av 2015 var det registrert 260 kvinner med fiske som hovedyrke.
I ei pressemelding vert det vist til at blant fiskarar som har fiske som hovedyrke viser alderssamansetjinga at 19 prosent er under 30 år, og 22 prosent er 60 år og eldre. Disse andelene har auka dei siste åra; med andre ord det er relativt sett fleire «unge» og «eldre» fiskarar som har fiske som hovedyrke.
Når det gjeld talet på registrerte fiskefartøy, så er det også her ein auke frå 5.884 ved utgangen av 2015 til 5.959 ved utgangen av 2016.
I år 2000 var det 13.017 registrerte fiskefartyøy i Norge, og går ein tilbake til 1960 var talet heile 41.636 fartøy.