Nedturen held fram for Hexagon Purus-aksjonærane. Ved børslutt var kursen to kroner aksjen. Det er ned 5,66 prosent sidan i går og over 60 prosent ned sidan starten av 2025. På det lågaste vart det handla Hexagon Purus-aksjar til 1,962 kroner aksjen i dag.
Først eit resultatvarsel og deretter ein kvartalsrapport med varsel om oppseiingar og auka uvisse for marknaden Hexagon Purus arbeider i har medverka til nedturen i år.
Mykje av årsaka til usikkerheita kjem som følgje av presidentskiftet i USA. Samtidig er utviklinga i hydrogenmarknaden svakare enn venta i Europa, blir det opplyst i børsmeldinga i samband med kvartalsrapporten per 4. kvartal 2024.
– Vi er hardt råka av konsekvensane frå usikkerheita kring den komande politikken, sa Hexagon Purus-sjef Morten Holum under presentasjonen av resultata.
Hexagon Purus lagar tankar og system for bruk av hydrogen som energiberar, i tillegg til batteriløysingar.
Største aksjonær er Hexagon Composites, med 38,41 prosent eigarandel. Hexagon Composites lagar tankar og system for bruk av natur- og biogass som energikjelde.
Til to kroner aksjen er Hexagon Composites sine aksjar i Hexagon Purus verdt 329 milionar kroner.
Artikkelen blir oppdatert, mellom anna med aksjekursar for børsnoterte selskap på Nordvestlandet, etter at Oslo Børs stenger for dagen.
Børsdagen | ||
Selskap | Kurs i kroner | %-Endring i dag |
Arctic Bioscience | 3,10 | 8,39 % |
Hexagon Composites | 35,65 | 3,63 % |
Hofseth Biocare | 3,18 | 2,58 % |
Havila Shipping | 1,45 | 1,68 % |
Norva 24 Group* | 24,95 | 0,60 % |
Romsdal Sparebank | 123,50 | 0,00 % |
Salmon Evolution | 6,82 | -0,44 % |
Golden Energy Offshore Services | 19,00 | -0,52 % |
Hav Group | 5,90 | -0,67 % |
Sparebanken Møre | 99,60 | -1,19 % |
Havila Kystruten | 0,89 | -1,56 % |
Endúr | 79,10 | -1,74 % |
Atlantic Sapphire | 10,60 | -3,64 % |
Hexagon Purus | 2,00 | -5,66 % |
* Kurs i SEK |
Publisert: 12.02.2025 14:56
Sist oppdatert: 12.02.2025 16:54