Hexgon Purus seier opp tilsette

Hexagon Purus ventar dårlegare utvikling enn det som er spådd tidlegare. Det gjer at dei vil redusere kostnadene med kring 200 millionar og seie opp 15 prosent av staben i løpet av første halvår. 

Det kjem fram i rapporten for 4. kvartal 2024 som blei lagt fram tysdag morgon. 

Hexagon Purus lagar tankar og system for bruk av hydrogen som energiberar for ulike køyretøy, og leverer i tillegg batterianlegg til same marknader.

– Vi er hardt råka
Mykje av årsaka til usikkerheita kjem som følgje av presidentskiftet i USA. Samtidig er utviklinga i hydrogenmarknaden svakare enn venta i Europa, blir det opplyst i børsmeldinga. 

– Vi er hardt råka av konsekvensane frå usikkerheita kring  den komande politikken, sa Hexagon Purus-sjef Morten Holum under presentasjonen av resultata. 

Sjå presentasjonen her (ekstern lenke)

Holum erkjente at selskapet no var i ein ny situasjon. Meir usikkerheit gir dårlegare moglegheiter til å planlegge framover, og det er større variasjon av dei ulike utfalla som kan vere sannsynleg. Selskapet vil difor vente med å kome med konkrete spådommar for resultata framover. 

– Vi venter ei  svakt første halvår, og eit sterkare siste halvår i 2025, la han til. 

Ventar svikt i inntektene første kvartal
Medan Hexagon Purus hadde sterk vekst i inntektene i 3. kvartal i fjor, bremsa veksten opp i årets siste kvartal. 

Inntektene for heile året enda med ei auke på 42 prosent. Selskapet fekk mellom anna utsett ordre til 2025 som gjorde at inntektene blei lågare enn venta i fjerde kvartal 2024. 

Spesielt i første kvartal i år ventar selskapet betydeleg lågare inntekter enn tidlegare anslått. Spesielt ser dei svikt i marknaden for mindre batteridrivne lastebilar, der selskapet tidlegare venta stor vekst i løpet av 2025.

Betydelege tap på slutten av fjoråret
Underskotet auka etter betydelege tap i fjerde kvartal 2024. 

Driftsresultatet gjekk frå eit underskot på knappe 600 millionar, til drygt 900 millionar kroner i minus for heile 2024 (sjå tabell under). 

Tapa skuldast nedskrivingar påverka av utviklinga for immaterielle verdiar og verdifall på anleggsmidlar. 

I løpet av kvartalet har selskapet óg henta inn éin milliard kroner i ny eigenkapital. 

(saka held fram under)

Aksjefall etter resultatvarsel
Hexagon Purus kom også med eit resultatvarsel i slutten av januar som viste at veksten hadde bremsa opp i siste kvartal i fjor. Same dag sank aksjen kring 24 prosent til ny botnrekord til då - på 3,10 kroner aksjen. 

Før handelen startar tysdag står kursen i 2,97 kroner. 

Tidleg i 2021 var kursen over 80 kroner aksjen, men deretter trenden vore negativ.