Hyttemarknaden flatar ut

Ved utløpet av 3. kvartal i fjor var på prisen på ein fritidsbustad i bruktmarknaden på Stranda 44.982 kroner kvadratmeteren. Det var 27,5 prosent opp sidan 2020.

Det siste halvåret har hytteprisane i Stranda falle litt i pris samanlikna med då Nett No skreiv om marknaden for brukte fritidsbustadar etter tredje kvartal 2024 (sjå tabell under).

I Stryn har utviklinga vore omvendt. Dei fritidsbustadane som har vore omsett i andrehandsmarknaden der, har gått til ein høgare pris enn dei fritidsbustadane som vart selde i fjor. 

Stabil marknad
Ingen fritidsbustad-kollaps skreiv Nett No etter tredje kvartal 2024. Den konklusjonen gjeld også etter utløpet av første kvartal i år. 

Det har vore ein liten prisauke i Stryn og på Bjorli. Samtidig har det vore ein liten nedgang på Stranda, Fjellsetra og Overøye.

Det er også verdt å merke seg at det er relativt få fritidsbustadar som skiftar eigar, med unntak av på Bjorli. Det gjer at ein, eller få fritidsbustadar kan gi store utslag i statistikken, som truleg er tilfelle når det gjeld tida det har tatt å få seld hytter på Fjellsætra.

Flest under prisantydning
Fleirtalet av fritidsbustadane som har skifta eigar dei siste seks månadane, er selde under prisantydning, ifølgje statistikken frå Eiendomsverdi.

• På Overøye vart alle fritidbustadar selde rimlegare enn selgarane opphavleg hadde tenkt seg.
   
• På Fjellsætra var 83 prosent seld under prisantydning - og 17 prosent over.
   
• På Bjorli vart 77 prosent under prisantydning - og 14 prosent over.
   
• På Stranda vart 60 prosent av bustadene selde under prisantydning - og 30 prosent over.

Også i Stryn vart 60 prosent av fritidbustadane seld under det selgarane hadde sett som prisantydning, medan 40 prosent vart seld over prisantydning.