Høgare rater, krympa inntekt

Utnyttingsgraden for Havila Shipping sine 14 farty, der seks er drivne for andre eigarar, var 90 prosent i trede kvartal, skriv offshorereiarlaget i rapporten for 3. kvartal.

Ratene var høgare enn i same kvartal i fjor, og førre kvartal, men to skip vart ute av drift for å blir klargjort for nye oppdrag. 

Det er årsaka til inntektsnedgangen samanlikna med i fjor og andre kvartal i år. 

I andre kvartal 2024 var utnyttingsgraden 97 prosent.

Les børsmelding her

Stor oppskriving
Hovudforklaringa på resultatnedgangen samanlikna med i fjor (sjå tabell under) er at selskapet skreiv opp verdien av flåten med 465 millionar kroner i tredje kvartal i 2023.

I andre kvartal i år skreiv også selskapet opp skipsverdiane, då med 154 millionar kroner.

Begge oppskrivingane skuldast at marknaden for offshorefartøy er kraftig betra - og dermed også verdien på fartøya.

Gjeld blir aksjar
Ei refinansieringsavtale frå 2020 gjer at långivarane kan gjere om gjeld til aksjar.

Første del av den omgjeringa skjer ved årsskiftet, resten eitt år seinare. 

Utanom långivarane og storaksjonæren Havila Holding blir resten av eigarane kraftig utvatna.

Havila Holding er medeigar i Bakkar og Berg Media, som gir ut NettNo.