Havila Shipping skriv opp skipsverdiane

Havila Shipping reverserer tidlegare nedskrivingar av skipsverdiane, og skriv dermed opp verdien av fartøya sine med 154 millionar kroner i 2. kvartal.

Les børsmelding her

Flåteutnyttinga var på 97 prosent i kvartalet og ratene var høgare enn i førre kvartal, ifølgje kvartalsrapporten.

Oppskrivinga skuldast at ein betre marknad for offshorefartøy også aukar verdien av fartøya.

Også i tredje kvartal i fjor skreiv Havila Shipping opp skipsverdiane, med 465 millionar kroner, og signaliserte samstundes at det kunne kome nye oppskrivingar.

«Markedet har gjennom andre kvartal fortsatt den positive utviklingen som ble omtalt i rapporten for første kvartal. Det gjelder både PSV og Subsea-segmentene. Spotmarkedet har for PSV-er til tider vært svakere enn forventet. Kontraktene har medført at beregnet bruksverdi for selskapets flåte har økt til NOK 1 180 million, og en reversering av tidligere nedskrivninger med NOK 154 million», heiter det i kvartalsrapporten per 2. kvartal.

Havila driv 14 offshorefartøy i dag, 10 plattformforsyningsskip, tre subseafartøy og eitt beredskapsfartøy. Av desse eig reiarlaget fem plattformforsyningskip og eir 50 prosent eigar i det sjette. Reiarlaget eig og to subseaskip.

Havila Holding eig 51 prosent av Havila Shipping. Havila Holding er også medeigar i Bakkar og Berg Media, som gir ut Nett No.