I pluss for tredje år på rad

I løpet av fem år har selskapet dobla driftsinntektene, og snudd minus til pluss.

Vello Nordic på Håhjem lagar profilar i glas- og karbonfiber. Selskapet blei etablert i 1994 og flytta inn i dagens lokale på Håhjem i tidlegare Skodje kommune i 2017.

Tålmodig eigar
Vello er ein del av Spilka-konsernet, der Spilka Industri er det største og viktigaste selskapet. Spilka Industri var lenge eit svært lønsamt selskap, takka vere sitt patenterte vindusbeslag. Det gjorde at eigarane av Vello Nordic hadde råd til å vere tolmodige i utviklinga av Vello Nordic.

År etter år med underskot gjorde likevel at tanken på å avvikle og legge ned har dukka opp, sa medeigar Bjørn Stafset til NETT NO i 2019.

Han eig Spilkakonsernet saman med søstra Laila, etter at broren Knut Inge Stafset blei løyst ut i 2022.