Inntektsrekord for Brunvoll-selskap

Den maritime utstyrsleverandøren ventar vidare vekst også i år, går det fram av rekneskapa for 2025 som no er offentlege.

Dei to største selskapa i konsernet, Brunvoll i Molde og Brunvoll Volda i Volda, hadde begge sterk vekst i fjor (sjå tabell under). Samla har selskapa meir enn dobla inntektene sine sidan 2022. 

Dei to selskapa hadde høvesvis 442 og 152 tilsette i fjor. 

Det tredje største produksjonsselskapet, Brunvoll Mar-El med adressse i Dalen på Austlandet, hadde inntektsnedgang og redusert overskot. 

God ordrereserve
Konsernrekneskapen er ikkje offentleg enno.

Men konsernsjef Kåre Øyvind Vassdal sa allereie i februar i år at 2025 vart eit nytt toppår, med omlag 2,4 milliardar kroner i driftsinntekt og betra lønsemd samanlikna med 2024. 

– Ordrereserven totalt sett for Brunvoll er bra, også sett i et historisk perspektiv, sa han.

Utvidar i Molde
I Molde arbeider Brunvoll både med å førebu ei utviding ved fabrikken ved hovudkontoret og eit nytt fabrikkbygg til 80 millionar kroner i Årødalen.

Det nye bygget blir på 5500 kvadratmeter og skal romme lager og lokale til skjæringa av stålplater og kapping av rør og akslingar, fortel selskapet til Romsdals Budstikke.