Kan levere året rundt

Snart vil Statt Torsk levere fisk til slakting tre gangar i veka, skriv selskapet i kvartalsrapporten for tredje kvartal.

Vi er stolte av å kunne fortelje at vi no har nådd det viktige målet om å vere ein leverandør som kan levere til avtalt tid og med avtalt kvalitet, skriv dagleg leiar og medeigar Gustave Brun-Lie i kvartalsrapporten.

Les børsmelding her

Neste mål er å få oppdrettstorsken til selskapet godkjent og akseptert i sushi-marknaden.

Statt Torsk er eit børsnotert selskap med anlegga sine ved Stadlandet og slakting på Vartdal, på lakseoppdrettselskapet Måsøval sitt anlegg der.

Selskapet fekk nyleg fire nye lisensar til å drive torskeoppdrett, på Apalset i Stad kommune.

I dei fire lisensane kan Statt Torsk ha inntil 3120 tonn torsk i merdene.

Medrekna dei fire nye lisensane har Statt Torsk i dag 12 lisensar i Stadt-området. Målet er 24 lisensar og ein årleg produksjon på 12.000 tonn oppdrettstorsk.