Kjempeoverskot for nettselskap

Nettselskapet Linja melder om eit rekordstort overskot etter fjoråret. Av driftsinntekter på nær to milliardar satt selskapet att med et resultat før skatt på nær 600 millionar kroner (sjå tabell under).

Det gjer at eigarane Tafjord Kraft, SFE, og Tussa Kraft kan hauste eit utbyte på 117 millionar kroner, går det fram av årsmeldinga. 

Linja er nettselskapet som har fleire 100.000 straumkundar i Sunnfjord, Nordfjord og på Sunnmøre i sin portefølje. Selskapet er eit resultat av samanslåinga mellom Mørenett, Tindra og Linja.

Fekk gevinst frå fusjon
Linja har 282 tilsette og 18 læreplassar og hovudkontoret ligg i Dragsund i Herøy. 

Årsaka til det store overskotet i 2025 kjem i hovudsak frå eingongsinntekter på 269 millionar, knytt til fusjonsprosessen mellom Mørenett og Linja. 

– Resultatet for 2025 gir Linja eit godt økonomisk utgangspunkt for dei store investeringane som ligg framfor oss på mellom 800 og 900 mill. kroner i året, uttaler administrerande direktør  Helge Robert Midtbø i Linja.

Investeringar for 441 mill. i fjor
I 2025 blei det gjort investeringar lag 441 millionar kroner. Det har styrka kapasiteten i nettet gjennom ei rekkje tiltak i ulike delar av regionen frå Indre Sogn til grensa mot Trøndelag. 

I fjor vart mellom anna utviding og fornying av Giskemo transformatorstasjon avslutta. Det gir betre driftssikkerheit for Sunnmøre, opplyser selskapet. 

Selskapet oppgraderer også spenninga nett frå 66 kV til 132 kV, som er i framdrift på Søre Sunnmøre og i Indre Nordfjord.