Kleven og Kongsberg i Brasil-samarbeid

Dette opplyser Kleven i ei pressemelding tysdag.
Utstyret som skal inngå i Kongsberg Maritime sine systemleveransar til den brasilianske marknaden.
- For Kleven ORN er dette eit gjennombrot, seier Trond Liavaag, adm.dir. i Kleven Maritime Technology, i pressemeldinga.
Kleven ORN har sidan oppstarten i 2012 utført service på elektro- og elektronikkutstyr om bord i offshorefartøy som opererer utanfor Brasil. Avtalen med Kongsberg inneber at ein no utvidar aktiviteten frå rein service til å også omfatte produksjon.

Boreskip og boreplattformer

Dei første ordrane omfattar leveranse av utstyr til fleire boreskip og boreplattformer som er under bygging i Brasil.
- Kongsberg er ein svært interessant samarbeidspartnar med si verdsomfattande verksemd. Oppdraget vert ein viktig referanse for Kleven ORN, og er eit godt døme på at samarbeid og gode relasjonar i heimemarknaden gjev styrke også internasjonalt, seier Liavaag.
Kleven ORN har rundt 20 tilsette, og held til i Niteroi utanfor Rio, Brasil. Selskapet er eit joint venture mellom Kleven Maritime Technology (eit samarbeid mellom Kleven og Hareid Group) og det brasilianske serviceselskapet Offshore Reparos Navais.