Kongsberg Maritime veks vidare

Veksten held fram for Kongsberg Gruppen som passerte 40 milliardar kroner i omsetning i 2023, ei auke på 28 prosent frå året før. Det viser rapporten for fjerde kvartal 2023 som blei lagt fram fredag.

Inntektene bikka 20 mrd.
Kongsberg Maritime auka inntektene med 21 prosent til 20,18 milliardar, og var det klart største forretningsområdet i konsernet i fjor.

Den maritime utstyrsleverandøren hadde vekst i aktiviteten både på nybygg og ettermarknaden i siste kvartal i 2023.

Driftsresultatet på drygt to milliardar, utgjer ein driftsmargin på om lag 10 prosent.

Les børsmelding

Har auka ordreboka i løpet av året
Kongsberg Maritime har sikra seg betydeleg med jobb framover og har no ei ordrereserve på 19,1 milliardar kroner.

Det er ein liten nedgang frå førre kvartal og ordreinngangen på nye skip gjekk litt ned, samanlikna med tidlegare kvartal.

Volumet på ordreboka har gått opp med drygt tre milliardar samanlikna med året før. Typen oppdrag er samtidig variert, blir det opplyst i kvartalsrapporten.