Koronamidlar til tre moloar og seks fyrstasjonar

I samband med at Stortinget 31. mars vedtok økonomiske tiltak i møte med virusutbrotet, blei det løyvd 100 millionar kroner ekstra til Kystverket sitt vedlikehaldsarbeid og opprydding av eigarlause blåskjelanlegg.
Dei økonomiske tiltaka skal bidra til å styrke den kriseramma bygg- og anleggssektoren ved at viktige vedlikehaldsoppgåver blir utført.
Ekstramidlane skal nyttast slik:

• 87,5 millionar kroner er sett av til ei portefølje av vedlikehaldsprosjekt.
• 10 millionar kroner er sett av til opprydding av eigarlause blåskjelanlegg som potensielt utgjer ein fare for sjøtrafikken.
• 2,5 millionar kroner er sett av til vedlikehald av bygningsmassen til sjøtrafikksentralen i Vardø.

- Kjærkomne ekstramidlar

Prosjekta som får midlar er prosjekt som kan komme raskt i gang og som passar godt for små og mellomstore bedrifter, opplyser Kystverket i ei pressemelding.
– Dette er kjærkomne ekstramidlar som er retta mot naudsynte vedlikehaldstiltak som vi elles ikkje ville klart å prioritere innafor dei rammene vi har for 2020.
- Ferdigstillinga av planunderlaget for dei aktuelle prosjekta er allereie i gang. Vi tek sikte på å sette oppdraga ut i marknaden så raskt som mogeleg og håpar sjølvsagt at lokale entreprenørar gjer seg klar for å konkurrere om dei, seier kystdirektør Einar Vik Arset.

- Held oppe aktiviteten

Samferdsleminister Knut Arild Hareide seier at ein har følgt opp vedtaket frå Stortinget om å løyve 100 millionar kroner ekstra til Kystverket.
- På denne måten bidrar vi til å halde oppe økonomisk aktivitet i ei spesiell tid, samstundes som vi aukar takta i vedlikehald av fyrbygg og utbetring av kaier og moloar, seier Hareide i ei pressemelding.
Desse får midlar til fyrvedlikehald:

• Møkkalasset fyr i Arendal kommune, Agder fylkeskommune
• Digerudgrunnen fyr i Frogn kommune, Viken fylkeskommune
• Homlungen fyr i Hvaler kommune, Viken fylkeskommune
• Store-Torungen fyr i Arendal kommune, Agder fylkeskommune
• Lista fyr i Farsund kommune, Agder fylkeskommune
• Ryvingen fyr i Lindesnes kommune, Agder fylkeskommune
• Hellisøy fyr i Fedje kommune, Vestland fylkeskommune
• Kråkenes fyr i Kinn kommune, Vestland fylkeskommune
• Skongenes fyr i Kinn kommune, Vestland fylkeskommune
• Ulvesund fyr i Kinn kommune, Vestland fylkeskommune
• Hendanes fyr i Kinn kommune, Vestland fylkeskommune
• Skalmen fyr i Smøla kommune, Møre og Romsdal fylkeskommune
• Bjørnsund fyr i Hustadvika kommune, Møre og Romsdal fylkeskommune
• Ulla fyr i Ålesund kommune, Møre og Romsdal fylkeskommune
• Skomvær fyr i Røst kommune, Nordland fylkeskommune
• Bremstein fyr i Vega kommune, Nordland fylkeskommune
• Træna fyr i Træna kommune, Nordland fylkeskommune
• Brannverntiltak i flere fyrbygningar i fleire kommuner i Møre og Romsdal fylkeskommune
• Ytre Møkkalasset fyr i Arendal kommune, Agder fylkeskommune
• Geita fyr i Askvoll kommune, Vestland fylkeskommune
• Storholmen fyrstasjon i Ålesund kommune, Møre og Romsdal fylkeskommune
• Skomvær og Landegode fyrstasjonar i Røst/Bodø kommune, Nordland fylkeskommune
• Makkaur fyr i Båtsfjord kommune, Troms og Finnmark fylkeskommune
• Bøkfjord fyr i Sør Varanger kommune, Troms og Finnmark fylkeskommune

Vedlikehald av kai/molo:

• Nordre Bjørnsund-Fræna i Hustadvika kommune, Møre og Romsdal fylkeskommune
• Kvalsund-Herøy i Herøy kommune, Møre og Romsdal fylkeskommune
• Kvalsvik-Herøy i Herøy kommune, Møre og Romsdal fylkeskommune
• Hareid i Hareid kommune, Møre og Romsdal fylkeskommune
• Veidholmen allmenningskai, Innveien i Smøla kommune, Møre og Romsdal fylkeskommune
• Dypfestvåg allmenningskai i Bjugn kommune, Trøndelag fylkeskommune
• Fullføre reparasjon molo Andenes fiskerihamn i Andøy kommune, Nordland fylkeskommune
• Hovsund molo i Vågan kommune, Nordland fylkeskommune
• Skarstahamn molo i Ballangen kommune, Nordland fylkeskommune
• Laukvik molo i Vågan kommune, Nordland fylkeskommune
• Vikvågen molo i Sømna kommune, Nordland fylkeskommune
• Bolga allmenningskai i Meløy kommune, Nordland fylkeskommune
• Husøy molo i Lenvik kommune, Troms og Finnmark fylkeskommune
• Vadsø sandfangarmolo i Vadsø kommune, Troms og Finnmark fylkeskommune
• Gamvik molo (Langskjærmoloen) i Gamvik kommune, Troms og Finnmark fylkeskommune
• Ersfjord allmenningskai i Berg kommune, Troms og Finnmark fylkeskommune
• Årviksand allmenningskai i Skjervøy kommune, Troms og Finnmark fylkeskommune
• Gamvik allmenningskai i Gamvik kommune, Troms og Finnmark fylkeskommune
• Sandland allmenningskai i Loppa kommune, Troms og Finnmark fylkeskommune

Dei budsjetterte kostnadane knytt til desse vedlikehaldsprosjekta fordeler seg slik i fylkeskommunene:

• Agder 9 350 000
• Møre og Romsdal 21 450 000
• Nordland 22 500 000
• Troms og Finnmark 23 100 000
• Trøndelag 1 500 000
• Vestland 5 600 000
• Viken 800 000

I tillegg kjem 2,5 millionar kroner til vedlikehald av sjøtrafikksentralen i Vardø (Troms og Finnmark) og 10 millionar kroner til oppryddinga av eigarlause blåskjelanlegg. Desse anlegga er førebels ikkje rekna inn i den fylkesvise fordelinga då det ikkje er avgjort kva anlegg som skal fjernast.