Kraftig kutt i underskotet

Kongsberg Maritime CM hadde 1,1 milliardar kroner i underskot på drifta i 2019.

Det var det siste i ei serie av år med store underskot for eitt av dei store industrilokomotiva på Nordvestlandet.

I fjor var driftsunderskotet krympa til 115 millionar kroner (sjå tabell).

Før Kongsberg Gruppen kjøpte marinedivisjonen til Rolls-Royce heitte Kongsberg Maritime CM Rolls-Royce Marine. Det omfattar produksjonsanlegg og kontor på Longva, i Brattvåg, i Hjørungavåg og Ulsteinvik og kontor på NMK i Ålesund.

157 færre tilsette
Selskapet hadde 1269 tilsette ved utgangen av 2020, 157 færre enn året før.

Etter at Kongsberg Gruppen tok over eigarskapen var det gjort ei rekke tiltak for å samordne den tidlegare marinedivisjonen til Rolls-Royce med den opphavlege maritime verksemda til Kongsberg Gruppen, som er samla i datterselskapet Kongsberg Maritime.

Dei tiltaka er årsaka til resultatforbetringa i følgje årsrapporten til Kongsberg Commercial Marine CM.

Lite nybygg
Den verdsomspennande koronaepidemien medverka til at det vart bestilt rekordfå nye skip i fjor. Det merka utstyrsprodusenten Kongsberg Maritime CM godt, ifølgje årsmelding til selskapet. Men selskapet har i liten grad blitt fått avbestillingar på allereie inngåtte avtaler, men i større grad få avtalar utsett.

I ettermarknaden (service, vedlikehald og reparasjonar på utstyr frå selskapet) har reiserestriksjonar hemma salet. Men eit verdsomspennande nett av servicstasjonar har redusert ulempene av at det har vore vansklegare å reise ut frå Noreg.

Betre i år
Kvartalsrapporten til Kongsberg Gruppen for 1. kvartal 2021 tyder på at resultatforbetringa i Kongsbergverksemdene på Nordvestlandet held fram i år.

I rapporten, var presentert i slutten av april i år, fortalde Kongsberg Gruppen om stigande lønsemda i år i det som var den største utfordringa hos selskapa Nordvestlandet ved overtakinga i 2019.

Dekksmaskineri-verksemda, mellom anna med tyngdepunkt i Brattvåg hadde eit "betydleg" negativ driftsresultat før av- og nedskrivingar (ebitda) då Kongsberg tok over , i følgje kvartalsrapporten.

Ein kombinasjon av nysal og oppdrag i ettermarknaden gjer at den delen av verksemda har ei lønsemd på nivå med gjennomsnittet for heile forretningsområdet, ifølgje kvartalsrapporten.

Milliardnedskriving
Som ein del av omorganiseringa etter at Kongsberg Gruppen tok over blei selskapet Ulstein Holding slått saman med Kongsberg Maritime CM i fjor haust.

Verdien på eigarskapen i Ulstein Holding blei nedskrive med 1,1 milliardar kroner i fjor, som er årsaka til at Kongsberg Maritime CM fekk eit resultat før skatt på 1,2 milliardar kroner i 2020. Nedskrivinga er ein reknskapsteknisk konsekvens av samanslåinga.

1. januar 2021 vart Kongsberg Maritime CM slått saman med Kongsberg Maritime.