IKKEJ BRUK NTB 1 B Gg YV Fgv40 2
Den norske krona har styrkt seg mot ei rekke andre valutaer dei siste månadene. Foto: Ole Berg-Rusten / NTB / NPK
Nytt

Krona styrkjer seg

Meir verdt enn svenske kroner for første gong sidan 2024

29.04.2026

NPK-NTB: Norske kroner var onsdag meir verde enn svenske kroner for første gong sidan juni 2024.

Ved 15-tida var 100 svenske kroner verde 99,97 norske kroner. E24 melde om utviklinga først.

Utviklinga fører mellom anna til at det blir billigare for nordmenn å handle mat og andre varer i Sverige.

Dei siste månadene har norske kroner styrkt seg mot ei rekke valutaer. Ei viktig årsak er oljeprisen, som skaut i vêret då USA og Israel gjekk til krig mot Iran i slutten av februar.

Heng saman med auka oljepris
– Kronestyrkinga mot svenskekrona heng tett saman med oljeprisoppgangen så langt i år. Det kan gjere at det blir noko billigare å handle i Sverige, seier senior makro- og rentestrateg Sara Midtgaard i Nordea Markets til NTB.

Hittil i år har krona styrkte seg over 8 prosent mot svenskekrona.

– Og det er jo ein del, men vi må hugse at prisveksten også vil auke i Sverige, på lik linje som i Noreg. Likevel kan vi nok kanskje oppleve at nokre varer blir billigare i Sverige enn her heime, seier Midtgaard.

Onsdag ligg krona på sitt sterkaste nivå også mot euro så langt i år. Ein euro har vore handla heilt ned i 10,85 kroner.

Publisert: 29.04.2026 16:12

Sist oppdatert: 29.04.2026 16:12