Kystruten melder om nok ei utsetting

Havila Kystruten melder måndag etter børsslutt om nok ei utsetting for dei første seglasane for skipet Havila Polaris.

Reiarlaget viser til tidlegare meldingar om utsett oppstart for rundreisene med skipet Bergen-Kirkenes.

No er første seglas planlagt 10. mai.

Selskapet beklagar igjen sterkt konsekvensane for passasjerar og lokalbefolkning langs kysten, heiter det i meldinga.

Havila Polaris er tredje skipet selskapet får overlevert frå Tersan-verftet i Tyrkia.

Herøy-reiarlaget slit med å få frigitt skipet, sjølv om Havila Kystruten før jul fekk godkjent at ein får løyst både Havila Polaris og Havila Pollux frå bindingane til den opphavelege russiske långivaren.

Bakgrunnen for den siste utsetjinga er at Havila Kystruten treng lisens frå «Central Bank of Ireland» for å innløyse gjelda og få frigjort sikkerheita som er knytta til skipa.

Lisensen er framleis ikkje motteke, ifølgje måndagens børsmelding.