Legg fram tiltak for auka aktivitet i maritim næring

Onsdag kveld kom næringsminister Iselin Nybø til Vard Langsten-verftet i Tomrefjord, saman med distrikts- og digitaliseringsminister Linda Hofstad Helleland.
Målet med besøket er å legge fram nye tiltak for å auke aktiviteten i maritim næring. Dette er ein del av «fase 3-pakka» som regjeringa har varsla – og som skal få ny fart i norsk økonomi.

Har allereie sikra seg kystvaktskip

Det er neppe tilfeldig at Vard-verftet er valt som åstad for å legge fram nyheitene dei har med seg. Vard Langsten i Jan Mayen-klassen – ein avtale til ein verdi av meir enn fem milliardar kroner.
Etter at koronakrisa slo til, har det vore ytra ønske frå den maritime næringa om framskunding av skipa. Det er tidlegare opplyst at det første skipet skal leverast første kvartal 2022 og det siste i første kvartal 2024.
Fleire i maritim industri har også føreslått at det blir bygt nye mineryddarar og forskingsskip i regi av staten. Nye ferjer til fornying av ferjeflåten, er andre prosjekt som er nemnt.

Tynne ordrebøker og tøffe tider

Bakteppet er at mellom anna verftsnæringa har dei tynnaste ordrebøkene på fleire tiår, samtidig som dei har vore gjennom tøffe år etter førre nedtur i oljeprisen.
No har både låg oljepris og konsekvensane frå koronapandemien, og tiltaka som følgje av den, gjort situasjonen meir vanskeleg. Også mange utstyrsleverandørar er i same situasjon og reiarlag både i offshore og reiselivet slit tungt.

Les også: