Leiger ut til konkurrenten

Bygget som i dag husar det private helse- og legesenteret Medi 3 er eigd av to selskap; H I Giørtz Sønner sitt datterselskap Sundgaten 12 A as og Quadriceps Eiendom as.
Begge selskapa, og eigarane der, er også eigarar i Medi 3.

Fire aksjonærar

I følge rekneskapsdatabasen Bizweb har Quadriceps Eiendom fire aksjonærar; John Slørdahls selskap Ortop (37,03 prosent), Finn Bersets selskap Lifi Holding (37,03 prosent), Thorbjørn Kjærnslis selskap TK Med (25 prosent) og Steinar Godø (0,92 prosent).
I årsmeldinga til Medi 3 er Quadriceps Eiendom oppført som eigar av 4,2 prosent av Medi 3, Ortop eig 6,3 prosent og TK Med 5,4 prosent. Til saman utgjer det 15,9 prosent av aksjane i Medi 3.
Utleigeavtalen og aksjonærar i Medi 3 er .

Største eigar

H I Giørtz Sønner eig 10 prosent av Medi 3 og datterselskapet Sundgaten 12 A as eig 17,5 prosent. Tilsaman eig H I Giørtz Sønner 27,5 prosent og er dermed største einskildaksjonær i Medi 3.
Medi 3 skal ut av dagens lokale og opnar med ny og utvida drift i Hoffmannsgården, i Ålesund sentrum, der Kystdirektoratet tidlegare var leigetakar. Aleris etablerer seg også i Ålesund, og flyttar inn der konkurrenten Medi 3 i dag held hus.

I Hoffmannsgården får Medi 3 sine 130 tilsette til saman 3600 kvadratmeter fordelt på fem etasjar til disposisjon, skreiv Sunnmørsposten då Medi 3 hadde fått leigeavtalen på plass.

Teige har kontrollen

Sjølv om Medi 3-aksjonærane som no skal leige ut til Aleris eig over 43 prosent i Medi 3, har dei mindre dei skulle sagt på generalforsamlingane i Medi 3.
Medi 3 har to aksjeklassar; A- og B-aksjar. A-aksjane har stemmerett, B-aksjane har det ikkje.
Storparten av Medi 3-aksjane til eigarane av bygget Medi 3 brukar i dag, er B-aksjar.
Selskapet Kaston as eig 22,7 prosent av alle aksjane i Medi 3, men har 3283 av 4634 A-aksjar. Det utgjer 65,6 prosent av stemmene.
Ortop as eig 15,4 prosent av A-aksjane, Terje Peder Håskjold 7,5 prosent og Sundgaten 12 A as 4,1 prosent.
Kaston er eigd av Medi 3-sjef Jan Terje Teige, Agathe P. Teige Eiksund, Alexander Teige og Sigurd Teige.

Open for sal

Misnøye med mangel på informasjon til B-aksjonærane om drifta av selskapet, gjer at Egil Giørtz i H I Giørtz Sønner as karakteriserer situasjonen som "krevande for selskapet".
Til saman eig H I Giørtz Sønner 27,5 prosent i helseforetaket Medi 3 og er største aksjonær.
Giørtz understrekar at selskapet ikkje har gått aktivt ut for å få til eit sal av aksjeposten sin, og godt kan bli sittande som eigar. Men om prisen er rett er dei opne for sal.
- Vi er opne for å selje aksjane våre, men det er spørsmål om pris, seier Giørtz.

Grundig redegjørelse

Styreleiar Ragnvald Nerø skriv i ein epost til NETT NO at det er gitt grundig informasjon til eigarane:
"Medi 3 hadde generalforsamling 22. juni, da ble dagens styre valgt. Inntil generalforsamlingen i juni var B-aksjonærene representert i styret. Det ble holdt en ny generalforsamling 14. september med godt fremmøte, og i den forbindelse ble det gitt en grundig redegjørelse for selskapets drift og virksomhet. "
"Styret er opptatt av å ivareta alle aksjonærenes interesser, og har påbegynt en drøfting av hvordan aksjonærinformasjon skal ivaretas fremover. Denne drøftingen er ikke avsluttet. Når konklusjon er trukket, vil dette blir redegjort for - seneste på neste generalforsamling.», skriv Nerø.