Så langt i år har norske skipsverft levert nybygg til ein kontraktsverdi på 8,7 milliardar kroner og skal levere skip for ytterlegare 7,6 milliardar innan året er omme.
Samstundes er det inngått nye kontrakter for berre 6,7 milliardar kroner hittil i år. Det viser ordrestatistikken til Norsk Industri, som registrerer ordre for skip over 40 meter.
Sjå 2020-resultata for norske verft under
Utan nye oppdrag resten av året vil ordrereserven krympe til under 21 milliardar kroner, det lågaste nivået sidan 2005.
Den svake orderinngangen blir truleg og tema når Menon Economics skal presentere status for bedriftene i den maritime klynga, på den årlege klyngekonferansen til GCE Blue Maritime i Ålesund torsdag.
Lite i vente
Tala frå sal- og marknadsføringsorganisasjonen Norske Skipsverft gir eit samanfallande bilete.
Norske Skipsverft registrerer alle offentliggjorte kontrakter over 50 millionar kroner. 14 fartøy er det snakk om, til i alt 6,5 milliardar kroner. Over halvparten er knytt til eitt fartøy, cruise/leigeheitskipet Somnia, som skal byggast hos Vard.
(saka held fram under)
- Det er ingen teikn til at det lysnar ut over året, seier administrerande direktør Asle B. Strønen i Norske Skipsverft.
Han vonar at ei ny regjering vil vere meir viljug enn han meiner dagens regjering har vore til å utnytte handlingsromet i internasjonale handelsavtaler slik at bygging av fartøy for norske styresmakter blir plassert hos norske verft.
Vard-minus trekk ned
Også i 2020 gjekk norske skipsbyggingsindustri i minus, som tabellen under viser.
Solstrand Verft, Oma Baatbyggeri, Brødrene Aa og Fosen Yard har førebels ikkje reknskapstala klare, men biletet blir neppe endra med dei på plass.
Og akkurat som i 2019 er det det store underskotet til Vard Group som gjer at bransjen samla sett kjem ut med underskot.
Vard Group er også i særklasse størst og sto for 40 prosent av dei samla driftsinntektene til verfta i tabellen.
Les også
| Resultat for norske skipsverft | ||||
| Selskap | Driftsinntekter | Resultat før skatt | ||
| 2020 | 2019 | 2020 | 2019 | |
| Vard Group | 6540,5 | 7938,4 | -1842,6 | -1979,8 |
| Havyard Leirvik | 1619,9 | 30,8 | -14,7 | 0,6 |
| Westcon Yards | 1522,5 | 1537,5 | 119,3 | 43 |
| Ulstein Verft | 1430,7 | 2199,2 | 10,4 | -224,8 |
| Aas. Mek Verksted | 1035,4 | 921,4 | 70,7 | 34,4 |
| Fitjar Mek. Verksted | 630,9 | 1012,9 | 10,4 | 26,6 |
| Myklebust Verft | 540,9 | 380 | 4,8 | 24,6 |
| Larsnes Mek. Verksted | 476,4 | 512,5 | 36,9 | 2,3 |
| Moen Marin | 363,2 | 526,8 | -3,6 | 34,7 |
| Stadyard | 332 | 205,2 | -6,6 | 3,7 |
| Fiskerstrand Verft | 330,1 | 428 | 10,4 | 22,7 |
| Havyard Ship Technology | 314,6 | 1727,7 | -26,4 | -273 |
| Båtbygg | 288 | 379,3 | 21,4 | 19,1 |
| Vegsund Slip | 261,7 | 233,8 | 17,1 | 34 |
| Sletta Verft | 244,2 | 211,3 | 7,3 | 5,2 |
| Salthammer Båtbyggeri | 123,5 | 59,5 | -4,9 | 1,3 |
| Vaagland Båtbyggeri | 79,8 | 182,3 | -7,5 | -13,9 |
| Green Yard Kleven | 57,7 | -2,1 | ||
| Fjellstrand | 42,3 | 95,1 | -7,3 | -1,1 |
| Måløy Verft | 33,1 | 40,1 | -0,4 | -11,4 |
| Hellesøy Verft | 2,1 | 2,8 | -0,0 | -4,2 |
| SUM | 16269,5 | 18624,6 | -1608,3 | -2256 |
Publisert: 22.09.2021 06:00
Sist oppdatert: 22.09.2021 00:13
