Mindre torsk og lågare pris

Frå selskapet sitt oppdrettsanlegget i Rekvika på nordsida av Stadlandet er det slakta til saman 2920 torsk (levande vekt). Der er produksjonssyklusen no avslutta. I andre kvartal vart det slakta 280 tonn mindre enn venta, som gav eit tap på sju millionar kroner i 2. kvartal.

På anlegget ved Stokkeneset auka dødlegheita, førebels utan at selskapet har funne årsaka. Det gav eit tap på 2,5 millionar kroner i 2. kvartal og to millionar kroner i juli.

Statt Torsk fekk 37,40 kroner kiloen (levande vekt) for torske i 2. kvartal. I første halvår var gjennomsnittprisen 26,90 kroner. Det er langt under kva selskapet hadde venta og årsaka til at selskapet i mai i år skreiv ned verdien av fisken hadde i sjøen med 47 millionar kroner.

Tidlegare i august varsla Statt Torsk at selskapet har starta ei såkalla "strategisk vurdering " av korleis det skal drive vidare etter dei store tapa.

Det handlar både om å sikre finansiering på kort og lang sikt, og opnar både for ei ny kapitalutviding og samanslåing med andre aktørar eller sal til nye investorar.