Ny inntektsrekord for Olden Cruise

I 2019 hadde Strand og Kvamme sitt selskap, Olden Cruise, 18 millionar kroner i driftsinntekt. Det var rekord.

Etter to magre år under koronapandemien, skaut inntektene opp til 31 millionar kroner i 2022, vidare til 66 millionar i 2023 og til 75 millionar kroner i fjor.

Inntektsveksten er kombinert med god lønsemd, og både i fjor og året før (sjå tabell under) var resultatet før skatt over 20 millionar kroner.

Utvida kapasitet
Strand og Kvamme eig Olden Cruise 50/50 og arbeider begge i selskapet, som er spesialistar på å ta i mot og frakte cruiseturistar til attraksjonar i indre Nordfjord, og på rundturar. 

Veksten dei siste åra skuldast dels av det kjem fleire cruiseturistar til indre Nordfjord, dels at Olden Cruise har investert for å kunne ta i mot fleire turistar enn før, fortel Joar Strand, som er dagleg leiar i selskapet.

– Vi begynte med ein båt på Oldenvatnet og ein buss i 2005. Sidan har vi bygd stein på stein, og investert i fleire tur- og turistbussar, utleigebilar, ein del utleige-eigedom, næringsareal, og eit par vogntog, sa Strand til Nett No i fjor. 

30 tilsette
Sesongen for Olden Cruise er frå april til september.

I høgsesongen er så mange som 30 personar i arbeid for selskapet, seier Strand.