Ny milliardavtale for Hexagon Purus

Hexagon Purus er profilerte som eit selskap som lagar tankar og -system for bruk av hydrogen som energiberar, men i år er det batterisatsinga til selskapet som betyr noko.

Fredag varsla selskapet har det har inngått ein intensjonsavtale med lastebilprodusenten Hino Motors Manufacturing U.S. Inc. om å levere batteripakkar for rundt ni milliardar kroner frå 2024.

Hexagon Purus har hatt eit utviklingssamarbeid med Hino Motors Manufacturing sidan 2020.

Les børsmelding her

Aksjekursen gjekk i veret
Aksjekursen skaut i veret etter nyheita og i formiddag var selskapet dagens børsvinnar med ein oppgang på meir enn 15 prosent.

Ved børsslutt i dag, fredag 11. februar, var kursen 24,83 kroner pr. aksje, ein auke på 34,9 prosent frå børsslutt i går. Ingen andre selskap på Oslo Børs steig meir i verdi i dag.

Kursen er likevel under nivået ved børsnoteringa - og langt under toppnivået på meir enn 80 kroner aksjen for eitt år sidan. Børsverdien på selskapet er no kring 5,8 milliardar kroner.

10 milliardar
31. januar i år melde Hexagon Purus at det er i sluttforhandlingar om ein avtale på 10-milliardar kroner, med eit selskap som ikkje er namngitt.

Også den avtalen gjeld batteripakkar til lastebilar og gjorde Hexagon Purus til børsvinnar etter at meldinga kom.

Fabrikk i Canada
Batteria til begge dei moglege kundane skal byggast på Hexagon Purus sin nye fabrikk i Kelowna i Canada. Fabrikken er under bygging og skal vere klar til drift i 3. kvartal i år.

Batterisatsingen til Hexagon Purus starta tidleg i 2018, med verksemda i Hexagon Purus framleis var ein del av Hexagon Composites.

Hexagon Purus blei skilt ut frå Hexagon Composites og børsnotert i desember 2020. Hexagon Composites er dominerande aksjonær i Hexagon Composites.

Begge selskapa har hovudkontoradresse i Ålesund. Flakk-familien er nest største eigar i Hexagon Composites og Knut Flakk er styreleiar i Hexagon Composites.