Nytt Rem-skip er sikra jobb i minst fem år

Måndag kunne Rem Offshore stadfeste at skipet dei skal bygge ved Green Yard Kleven har sikra seg eit langtidsoppdrag for Siemens Gamesa Renewable.
– Den faste perioden er på fem år. I tillegg kjem opsjonar, fortel Rem Offshore-sjef Fredrik Remøy til NETT NO.
Skipet som skal heite «Rem Energy» skal jobbe med vedlikehald på tyske vindfarmar når det er ferdig frå Kleven-verftet mot slutten av neste år.

Anna skip i arbeid frå januar

Fram til nybygget er ferdig vil skipet Rem Inspector fungere som ein sokalla «front runner». Remøy opplyser til NETT NO at skipet startar på jobben allereie tidleg i januar, og vil vere i arbeid det meste av 2021.
Reiarlaget opplyser i pressemeldinga som blei sendt ut at Rem Inspector allereie har jobba to sesongar med service på vindparkar.
Remøy uttalar i meldinga at reiarlaget har satsa store ressursar på å vekse i fornybarmarknaden, og at han er nøgd med at no dei ser resultat av arbeidet.

Stor batteripakke om bord

Nybygget Rem Energy er utvikla i samarbeid med designarane i Havyard Design & Solutions og oppdragsgjevaren. Då kontrakten med Green Yard Kleven , kom det fram at nybygget har vore redesigna fleire gonger i prosessen sidan reiarlaget fatta interesse for prosjektet.
Skipet blir det , der både byggeverft, reiarlag og designselskap held til på Nordvestlandet.
Det nær 90 meter lange skipet får nemninga CSV (construction service vessel). Om bord blir det ei mindre batteripakke i første omgang og skipet vil vere budd til å få installert ei batteripakke på opptil 12.000 kWt seinare. I tillegg vil skipet vere klargjort for framtidig installasjon av brenselceller.

Les også: