Ordreboka blir tjukkare hos Acel

I februar i år fekk selskapet oppdraget med å skifte ut kraftforsyningsnettet ved sjukehuset i Ålesund.

På facebook-sida si har selskapet varsla at ytterlegare at ei ny storkontrakt er i boks, men har førebels ikkje gått ut med fleire detaljar.

Dagleg leiar Klaus Kjerstad seier selskapet i dag har ein ordrereserve på 145 millionar kroner. Ved årskiftet var ordrereserven 75 millionar kroner, ifølgje årsmeldinga til selskapet for 2020.

Fleire oppdrag aukar behovet for tilsette. På nettsida sin har selskapet lyst ut minst seks stillingar, prosjektleiarar, ingeniørar og montørar. I tillegg er selskapet og på jakt etter finansdirektør.

Ved utgangen av 2020 hadde selskapet 89 tilsette.

Koronanedgang ifjor
I fjor slo den verdsomfemnande koronaepidemien og smitteverntiltaka mot den negativt ut for aktiviteten i utlandet. Det blei færre ombygging/vedlikehaldsoppdrag på skip, og også reiserestriksjonar. Det er forklaringa på at driftsinntektene fall i 2020 (sjå tabell).

Dei negative konsekvensane og praktiske problema knytt til koronaepidemien har vore større i første halvår i år enn i fjor, men Kjerstad seier selskapet no ser at epidemien og tiltaka mot den no er i ferd med å blir lettare.

Skadeverknadane av epidemine blie også langt mindre enn selskapet frykta då den kom i fjor, og bortsett frå vanskane med oppdrag i utlandet har selskapet kunna arbeidd omlag som før.

- Vi har omtrent ikkje fått stopp på nokon av prosjekta våre, seier Kjerstad.

I år rekna han med betre lønsemd enn i fjor, og også vekst i driftsinntektene.

Største selskap
Acel er største selskap i Acel Invest-konsernet, som også omfattar datterselskapet Acel Baltic.

Som etter 2019 betaler selskapet ut bonus til tilsette.

I fjor blei det sett av til saman 4,6 millionar kroner i bonus til tilsette, medrekna leiande tilsette, viser årsreknskapen.