Frøystad Geir Johan innfelt
FRØYSTAD: Utfordrande fjorår for Geir Johan Bakke og Frøystad. I år har selskapet stabilisert situasjonen. Foto: Kjetil Haanes
Nytt

Plaga av forseinkingar og kostnadsauke

Frøystad gjekk på ein liten smell i fjor, men i år ser det lysare ut.

01.08.2022

Frøystad er store på garn, teiner, ruser og tauverk, og hadde i fjor si største omsetnin nokong gong med 54,3 millionar kroner.

Men resultatet før skatt enda på minus 2,6 millionar kroner, det første minusåret sidan 2013.

Dagleg leiar Geir Johan Bakke forklarer det med forseinkingar og kostnadsauke, slik mange andre selskap har slite med på grunn av krig og pandemi.

- I tillegg har vi hatt kostnader med digitalisering og etablering av nye avdelingar i Rørvik, Honningsvåg, Finnsnes og Saldus i Latvia.

Frøystad
Årsresultat (i mill kr) 2021 2020
Driftsinntekter 54,3 48
Driftsresultat -2,1 2,1
Resultat før skatt -2,6 1,5

- Stabilisert situasjonen
Bakke seier at det ser betre ut i år.

- Vi har stabilisert situasjonen, og vi ser no resultatet av både digitalisering og nye avdelingar.

Selskapet har siste utvikla ei rekke nye produkt, blant anna ei ny reketeine som er utvikla i samarbeid med Møreforsking og fiskarar.

Selskapet har ein samla eigenkapital på 10,7 millionar kroner, og ei langsiktig gjeld på 1,0 millionar.

Bakke sit på 50 prosent av aksjane, medan Hallgeir Frøystadvåg har 25 prosent, Per Frøystad og familien 20 prosent og He Li 5,0 prosent.

Publisert: 01.08.2022 15:45

Sist oppdatert: 01.08.2022 15:46

Mer om