Regjeringa med tiltak for sjømatnæringa

(NPK-NTB-Per Christensen): Fiskeri- og Havbruksnæringens Landsforening (FHL) sendte måndag eit brev med 11 konkrete tiltakspunkt, og torsdag kunne Aspaker komme til møtes nokre av dei. Andre treng litt lengre handsamingstid.
Utvikling av nye marknader, økonomiske støttegrep og overføring av kvotar frå eitt år til eit anna er nokre av stikkorda. Aspaker erkjenner at sjømatnæringa, iallfall fall på kort sikt, står overfor ein krevjande situasjon, særleg når det gjeld sild og aure.

Utvikle Ukraina

Både krigshandlingane i det austlege Ukraina og den generelt dårlege økonomien i landet har gjort eksporten av sjømat farefull og uføreseieleg. Ved å sikre eksporten med bruk av garantiar frå GIEK (Garantiinstituttet for eksportkreditt) vil den ukrainske marknaden vonleg vekse og stabilisere seg, og dermed minske følgjene av den russiske importstoggen.
– Næringa har komme med fleire konstruktive forslag, og vi er no klare med dei første tiltaka. Vi har komme næringa i møte på viktige punkt. Men det er også nokre som krev meir arbeid, både innanfor næringa og hos oss, seier Aspaker.
Overføring av sildekvotar er eitt slik tiltak som må vurderast nærmare opp mot avtaler Noreg har inngått med andre land.
Elles vil Sjømatrådet skyte inn auka midlar frå næringa sjølv til marknadsføring av laks, aure og pelagisk fisk. Det er også tatt initiativ til styrking av det veterinærfaglege samarbeidet mellom Noreg og Ukraina.

Laksen greier seg

– Situasjonen for laksen er handterleg. Den største utfordringa er sild, der Russland har vore den største marknaden. Vi trur at fallende silkekvotar i 2015 og moglegheit for å overføre kvotar frå i år til neste vil bremse dei negative konsekvensane, seier administrerande direktør i FHL, Geir Ove Ystmark.
Han er godt nøgd med handteringa til regjeringa av situasjonen og legg til at det ikkje er nokon desperasjon i bransjen og at ingen er tent med svartmaling.
– Den globale etterspurnaden etter sjømat vil vekse, og Noreg skal vere ein viktig leverandør, seier Ystmark.
Aspaker opplyser at forhandlingane er ferdige om ein bilateral kommisjon for handels-, nærings- og økonomisk samarbeid mellom Noreg og Ukraina. Målsetjinga er å signere avtalen no i haust.Kommisjonen vil kunne betre marknadsforholda for norsk sjømatnæring.
Fiskeridepartementet vil dessutan ta kontakt med Færøyane for å få avvikla eksportavgifta på 2 danske kroner per kilo sild og makrell som vert teke til land i Noreg.