Reiarlag frikjent etter dødsulukke

I Sunnmøre tingrett vart reiarlaget dømt til å betale ei bot på 700.000 kroner. No har lagmannsretten frikjent reiarlaget.
Utgangspunktet for rettsaka var at ein av mannskapet døydde 10. juni 2018 under arbeid i ein tank der det hadde danna seg gass.

Ikkje noko vesentleg å innvende på sikkerheita

Eitt av dei avgjerande forholda i saka, var korleis faren for at det kunne oppstå gass i tanken var vurdert. Fleirtalet i lagmannsretten peiker på at dette kunne ha vore meir tydeleg kommunisert - slik også
Likevel meiner retten at risikoen var handtert godt ved rutine og sjekkliste for entring av lukka rom.
«På denne bakgrunn vurderer flertallet at det på ulykkestidspunktet ikke var noe vesentlig å innvende til skipssikkerhetssystemet i Nordnes AS, og at det var innført gode nok opplæringsrutiner. Gjennom de iverksatte tiltakene lå forholdene godt til rette for at besetningen skulle kunne etterleve de krav som stilles til sikkerhet om bord», heiter det i dommen.

Har kome til avtale med familien

Både reiarlaget og påtalemakta anka dommen i Sunnmøre tingrett. Reiarlaget meinte det skulle frikjennast, påtalemakta at bota var for låg.
– Vi er sjølvsagt nøgd med dommen og vi er særskilt nøgd med at vi kom til ein avtale med dei etterlatne, seier dagleg leiar Tormund Grimstad i reiarlaget til NETT NO.
I ei pressemelding legg han til følgjande saman med styreleiar Louis Nordstrand: «For oss alle i rederiet kjennes også svært godt at vi i god tid for ankesaken i lagmannsretten startet, på vårt aktive initiativ, fant en svært tilfredsstillende omforent løsning med de pårørende».
NETT NO i Frostating førre veke. Reiarlaget har ikkje opplyst innhaldet i forliket. I tingretten var reiarlaget dønt til å betale ei erstatning på 125.000 kroner. I og med forliket var ikkje spørsmålet eit tema som langmannsretten behandla.

Har vore ei belasting

Grimstad og Nordstrand uttalar vidare at dei er tilfreds med at lagmannsretten har gjort ei grundig vurdering av saka.
«Det er for oss alle meget tilfredsstillende at retten konkluderer med at rederiet vårt hadde gode nok rutiner, gav opplæring og betryggende overvåkning av risikofylt arbeid som pågår om bord hos oss.»
Reiarlaget sin advokat Henrik Grung meiner det er ei grundig og rett vurdering av saka, og påpeiker at den har vore belastande både for pårørande og dei involverte i reiarlaget.

Døydde i tank

Den avdøde fiskaren tok seg inn i tanken i samband med vask av tank som inneheldt restråstoff frå fisk.
I tingretten korleis fiskaren verka å svime av kort tid etter han gjekk inn i tanken og blei liggande med hovudet under ensilasjerestane i fleire minutt før han døydde.
Ifølgje dommen frå tingretten blei det avdekka mangelfull kvalitetssikring av tankarbeid om bord, ved ein tilfeldig tildeling av arbeidsoppgåver, manglande kontroll av kompetanse og sikring av at rutinane i systemet for sikkerheitsstyring blei følgt. Lagmannsrettens seks av sju medlemmar sa seg altså ikkje samde i dette.

Les også: