Kontrakten er på i underkant av 20 millionar kroner, og løftar ordrereserven til Normex til over 40 millionar kroner seier Normex-sjef og medeigar Stig Ove Johansen til Nett No.
Det er den høgste ordrereserven selskapet har hatt. Oppsvinget speglar mellom anna at marknaden for utstyrsleverandørane til oppdrettsnæringa har kome attende etter nedturen som kom då statsminister Jonas Gahr Støre og dåverande finansminister Trygve Slagsvold Vedum i 2022 lanserte innføring av grunnrenteskatt for sjøbaserte lakseoppdrett.
Normex har utvikla Razone, ei løysing for å reinse og klarne vatn i landbasert oppdrettsanlegg. Helgeland Smolt skal få ozonanlegg, styringssystem, integrasjon og spesialtilpassa Razone-einingar til fire postsmoltavdelingar frå Normex til anlegget sitt i Sundsfjord i Nordland, ifølgje ei pressemelding.
Inntekstrekord
2025-rekneskapen for Normex er ikkje klar enno, men Johansen seier inntektene blei omlag 47 millionar kroner, som er ny rekord. Resultatet blei positivt etter minus i 2024 og 2023.
– Vi er fornøgde, seier Johansen om 2025.
Normex har seks tilsette.
Storparten av produksjonen av utstyr frå Normex blir produsert i Baltikum og Polen.
Publisert: 20.04.2026 10:58
Sist oppdatert: 20.04.2026 10:58






