Salsgevinst sikra pluss for Golden Energy

Det børsnoterte offshorereiarlaget i Ålesund utvida flåten ved å kjøpe fem offshorefartøy frå eit datterselskap av nederlandske Vroon Holding for nesten ein milliard kroner i fjor.

Fire plattformforsyningskip har Golden Energy Offshore Services behandle, medan Vos Sugar, er eit støttefartøy til konstruksjonsarbeid til havs, raskt vart seld vidare.

73 millionar kroner i gevinst ved sal av skip har Golden Energy Offshore Services bokført i 4. kvartal, som gav eit solid overskot i kvartalet (sjå tabell under).

Det går fram av selskapet sin rapport pr. fjerde kvartal, som vart offentleggjort tysdag.

Les børsmelding her

Skal betale utbytte
Golden Energy Offshore Services har i fleire rapportar og meldingar på rad vore svært optimistisk til utviklinga i marknaden for forsyningsskip til offshoremarknaden.

Selskapet er også optimistisk i kvartalsrapporten, og fortel aksjonærane at dei truleg har utbytte i vente:

«Som et resultat av et økende backlog, stigende rater og en sterk balanse, er selskapet godt posisjonert for å begynne å returnere kapital til aksjonærene som utbytte i løpet av 2024», skriv selskapet i ei pressemelding.

Lovnaden om utbytte kjem med atterhald om god nok inntening resten av året, og at eit utbytte ikkje vil bryte med vilkåra i låneavtalane.