Satsar på meir snø

Ørsta Skisenter gjekk ut av 2021 med plussresultat og fekk også overskot i vintermånadane januar-mars.

Selskapet driv alpinanlegget og turløypene på Bondalseidet i Ørsta.

No skal selskapet investere inntil fire millionar kroner i å utbetre snøproduksjonsanlegg. Det nye anlegget skal både bli meir automatisk, slik at det blir mindre arbeidskrevande rigging, og kan produsere snø på høgare temperaturar enn det eksisterande.

Ventar på spelemiddelavklaring
Kor stor investeringa blir er ikkje endeleg avgjort, det kjem mellom anna på kva selskapet kan få av spelemidlar til idrettsanlegg ifølgje styreleiar Gunnar Knutsen.

Frå og med 2021 la Ørsta Skisenter om frå å følgje skisesongen til å følgje kalenderåret i reknskapsrapporteringa.

Tre i pluss
Fire av seks skianlegg-selskap på Nordvestlandet i NETT NO si oversikt (sjå tabell) gjekk i pluss i siste offentleggjorde reknskap.

Det største, Strandafjellet Skisenter, gjekk i minus, men har tidlegare fortald om eit vesentleg oppsving i år. Det selskapet er også det av selskapa på Nordvestlandet med den største aktiviteten sommarstid, mellom anna med gondolbane. På Stranda står aktiviteten på sommaren for rundt to tredjeparten av overskotet i eit normalår.