Hadde eitt av sine beste år

Stryn Vinterski leverer eit svært godt resultat for fjorårssesongen.

Rekneskapa som nyleg er gjort offentleg, viser at skisenteret er tilbake på plusssida, med eit overskott på nær ein halv million. Året i førvegen ga eit tilsvarande underskot.

Selskapet har avvikande rekneskapsår som går frå juli 2020 til juni 2021.

Hauster av investeringar
Dagleg leiar Frode Briksdal fortalde til NETT NO for eitt år sidan at sesongen såg bra ut på det tidspunktet, med ein snørik start på vinteren.

Ved slutten av fjorårssesongen kunne skisenteret bokføre inntekter på drygt 3,2 millionar kroner, som er mellom dei beste omsetningsåra senteret har hatt sidan 1998 (sjå tabell under).

Skisenteret har mellom investert i ny juniorheis og meir snøproduksjon dei siste åra, som dei no kan hauste fruktene av.

Stryn Turn og Idrettslag eig nær 90 prosent av aksjane. Bæasætra Hyttefelt, Rox Holding og Hotel Alexandra, er dei største av ein rekke småaksjonærane elles i selskapet.

Selskapet sysselsette to årsverk i perioden frå juli 2020 til juni 2021.

Skisenteret har åtte preparerte nedfarter, skiutleige, afterski og 20 kilometer preparerte langrennsløyper, ifølgje heimesida.