Satsar vidare etter forlik

Styret skriv i årsrapporten for 2020 at selskapet er i ein anstrengt finansiell situasjon, men at ein etter samla vurdering tilrår vidare drift, og der ein har vektlagt at det er verdiar i mor- og dotterselskap som vert vurdert å overstige kreditor- og pantegjeld.

I fjor gjekk morselskapet Øytank Shipping med 2,3 millionar kroner i minus før skatt. Hovedgrunnen til det store tapet skuldast ein strid med Bunker Oil, der Øytank i utgangspunktet vart dømd i tingretten til å betale meir enn ti millionar kroner. Dette skjedde etter at Bunker gjekk til rettssak mot Øytank med påstand om at selskapet hadde levert 1,6 millionar liter olje som var forureina.

Men no her det inngått forlik, skriv Øytank Shipping i årsmeldinga. Forliket skjedde i år, men er kostnadsført i fjor. Samla kostnader for Øytank i forliket er på 4,2 millionar kroner, inkludert advokatkostnader.

(saka held fram etter tabellen)

Ser betre ut
Øytank-reiarlaget har fleire fartøy, det nyaste er Kina-bygde Øytank, som er bygd for frakt av kjemikaliar, olje og oljeprodukt. Båten er 44,9 meter lang og 10,2 meter brei.

I tillegg sel og leverer selskapet olje og oljeprodukt og driv bunkring av skip.

Steinar Uggedal kjøpte selskapet i 2002.

I årsmeldinga skriv styret at resultatet av drifta har gradvis betra seg i 2021, og det er utsikter for eit positivt resultat i år.