Skipsfarts-revolusjon frå verdensrommet

Akkurat som Apple og Android sin operativsystem er opne for alle programvareutviklare som vil tilby programvare, vil Inmarsat gi utviklarar sjansen til å gjere det same i den maritime industrien.
Selskapet sin neste generasjon satelittar vil gi vesentleg større trafikk-kapasitet over nettet enn i dag. Planen er at programvarutviklarar kjøper transportkapasitet på nettet og datamaskinkapasitet frå Inmarsat, og tilbyr programvaren (applikasjonen), inkludert nettkapasitet som trengst for å bruke programmet.

Vekstbransje

- Det er ein vekstbransje, seier konserndirektør Ronald Spithout i Inmarsat om utvikllinga i satelitt-trafikk.
Satelittar gir internettsamband der basestasjonane ikkje når, og det betyr først og fremst til sjøs. Spithout trur skipsfarten berre er i byrjinga av bruken at satelittkommunikasjon.
Han er i Ålesund som foredragshalder på næringskonferansen "Næringsdriv", og i samband med at Inmarsat har skrive intensjonsavtale med NMK om å etablere hovedkontor for Nord-Europa i Ålesund.

Fjernstyrte skip

Ny progaramvare og større kapasitet over nettet vil medverke til at det blir lettare å samle data, overvake og styre operasjonar på skip frå land. Det er et steg på vegen mot fjernstyrte skip.

Prototypen for dei revolusjonerande droneskipa er utvikla av Rolls-Royce sitt Blue Ocean Team i Ålesund.
Dette Ålesund-baserte laget har sett opp ein prototype som simulerer 360 graders utsikt frå ei skipsbru.

Inviterer verda inn

Modellen for å få utvikla programvare innber at alle som vil får ein plattform for å tilby programvare til ein verdsmarknad.
Det betyr at etablerte programvareselskap får ein heilt ny konkurranse, takka vere det som blir mogleg gjennom større trafikk-kapasitet på nettet.