Skogstad flyttar salsavdeling til Oslo

- Alle kjedene har hovudkontora sine i Oslo og omegn. Vi ser på dette som noko som skal gi oss auka sal i løpet av kort tid, seier Henning Skogstad, dagleg leiar og medeigar i Skogstad Sport.
I første omgang blir det fem personar på Oslokontoret, som også omfattar visningsrom for kleskolleksjonane. To stillingar blir flytta frå hovudkontoret i Innvik, dei tre andre på Oslokontoret arbeider allereie på heimekontor i Oslo frå før.

Ikkje Innvik-kutt

Etter at Skogstad Sport la ned produksjonen i Noreg og flytta alt til Kina er det i dag .
På topp var det litt over 30 tilsette i fabrikken. No har selskapet 20 tilsette berre i Innvik, og cirka ti tilsette andre plassar i landet. I tillegg kjem dei tilsette i åtte eigen butikkar. I Kina er det sju tilsette, som mellom anna har ansvaret for å følge opp fabrikkane.
Henning Skogstad seier Oslo-kontoret ikkje betyr at det blir færre tilsette i Innvik, truleg tvert i mot. Oslo-kontoret skal gi auka sal, og det betyr meir jobb ved hovudkontoret i Innvik, der økonomi-arbeidet, distribusjonen og produksjonen blir styrt frå.

Lettare samarbeidet

Oslo-kontoret er allereie teke i bruk for å vise fram vårkolleksjonen 2015.
Kort veg til dei store kundane gjer det både raskare og enklare å møte dei.
Designarane til Skogstad Sport bur på fleire ulike stadar i landet. Spesielt for dei som bur i austlandsområdet vil eit kontor i Oslo gjere det enklare å møtast.