Spilka samlar to selskap i eitt

Spilka-konsernet slår saman dei to selskapa Vello Nordic og Winding Technology til Spilka Composites, ifølgje ei pressemelding.

Det nye selskapet skal satse på marknaden for komposittprodukt, eit område dei to selskapa har lang erfaring med.

Fusjonen av dei to selskapa utgjer ei betydeleg investering og omstrukturering i divisjonen, ifølgje meldinga.

Blir 32 tilsette til saman
Verksemdene blir samlokalisert i Vello Nordic sine nye lokaler på Håem ved Skodje i Ålesund. Vello Nordic-sjef Magnus Willmann Stafset skal leie Spilka Composites-selskapet og får eit team på til saman 32 tilsette.

«Vi har jobbet hardt det siste året for å finne synergier både på konsernnivå og innen komposittdivisjonen. Vello og Winding utfyller hverandre med komplementære produksjonsteknologier som åpner for spennende muligheter», uttaler Stafset i meldinga.

Kåre Dybvik som har solid erfaring frå komposittbransjen, er tilsett som COO (chief operating officer, journ. anm.) i selskapet.

Gjekk 26 år med underskot
Vello Nordic blei etablert av Spilka i 1994 og har dei siste åra snudd ein fleire tiår lang trend med underskott.

2023 var det tredje året på rad med overskot for verksemda, som hadde sitt første pluss-resultat i 2021. I fjor omsette Vello Nordic for drygt 62 millionar kroner.

Winding Technology blei ein del av Spilka-konsernet i 2018. I fjor omsette selskapet for fem millionar og fekk eit underskott på knappe 2,6 millionar.