Spådde rekord, og fekk rett
27 prosent inntekstvekst for Egon i Ålesund frå 2021 til 2022.
Før koronapandeminen låg driftsinntektene til Ålesund Fahano, som driv Egon-restauranten i Ålesund, i fleire år rundt 25 millionar kroner i året.
I koronaåra 2021 og 2022 fall inntektene til 22 og 23 millionar.
Då NETT NO snakka med dagleg leiar Veronika Kalland Aurdal tidleg i fjor haust låg ho så godt an at hos spådde 2022 kom til å gi selskapet den høgste inntekta selskapet hittil har hatt.
- Vi gjer tidenes år i år. Vi slår alle rekordar, sa Kalland Aurdal om 2022.
Fasiten kan du lese i tabellen under artikkelen, inntektene auka til nesten 30 millionar kroner og lønsemda auka enda meir.
Ålesund Fahano har i ei årrekkje vore mellom dei største og mest lønsame restaurantbedriftene i Ålesund.
Resultatmarginen, resultat før skatt i prosent av driftsinntekten - var 11,1 prosent i fjor.
Dei 10 største restaurantselskapa på Nordvestlandet hadde i gjennomsnitt ein resultatmargin på 7,8 prosent i 2021.
| Ålesund Fahano as | ||
| Tal i mill. kroner | 2022 | 2021 |
| Driftsinntekt | 29,6 | 23,2 |
| Driftsresultat | 3,0 | 2,3 |
| Resultat før skatt | 3,3 | 2,3 |
Publisert: 30.06.2023 05:00
Sist oppdatert: 01.07.2023 00:09