Sterk konkurranse om lånekundane

Ørskog Sparebank auka resultat og utlån i andre kvartal, viser tala som blei offentleg torsdag.

Banken opplever sterk konkurranse om lånekundane og skjerpa kamp på forsikringsområdet.

Ei utlånsvekst på 6,5 prosent er bak budsjettmålet og banken har sett i verk fleire tiltak for å auke veksten, ifølge kvartalsrapporten.

Banksjef Eirik Kavli er likevel nøgd med resultatet og fortel om god vekst frå nye kundar. Han trur konkurransedyktige vilkår og individuell oppfølging ligg bak.

Styret meiner samtidig at banken har ein sunn utlånsvekst og at dei har styrka sin marknadsposisjon. Dei ventar óg at 2024 blir noko betre enn 2023.

Resultat før skatt etter første halvår enda på 29,7 millionar – ei auke brå 26,7 millionar i same periode året før (sjå tabell under).

Renteinntektene til banken auka frå knappe 38 millionar til 43,1 millionar kroner i første halvår, blir det opplyst i børsmeldinga.