Strid om forureina fiskelast i retten

Neste månad må Ålesund-firmaet Tyrholm & Farstad møte i Møre og Romsdal tingrett for å svare for eit erstatningskrav frå Tryg Forsikring.

Bakgrunnen for saka er at ein konteiner med fisk vart øydelagt under transport til sjøs. Advokat Anders Svinø frå Judicia i Ålesund representere Tyrholm & Farstad, medan forsikringsselskapet er representert av Oslo-firmaet Ræder.

- Konteineren skal tidlegare ha vore lasta med «RS Polyliner», som er duk av lin og polyester, og som inneheld den kjemiske komponenten styren. Det har gjort at fisken blei forureina, fortel Svinø NETT NO.

Retten skal ta stilling til kven som har ansvaret for at lasten blei øydelagt, og kor mykje erstatning eigaren skal få utbetalt.

- Hovudspørsmålet er om det er transportøren Samskip som er ansvarleg, eller om Tyrholm & Farstad kan definerast som ansvarleg transportør. Tyrholm & Farstad meiner at dei berre har formidla transport, som speditør, og at det ikkje er grunnlag for ansvar mot dei, seier Svinø.

Det er sett av to dagar til hovudforhandlingar 14. og 15. desember.